جالت عدستنا بكليه العلوم جامعة عين شمس لتنقل عدد من الصور التى لا تبعث الا شعور بالاكتئاب وخيبة الامل.
كلية العلوم التى رئسها فيوم من الايام د/على مصطفى مشرفة وخرج منها د/على على حبيش ود/سميرة موسى ود/يحيى المشد ود/فاروق الباز واخيرا د/احمد زويل اصبحت كلية العلوم فحالة لا نتوقع ان يخرج منها طلبة يتذكروا اصلا ما درسوه!!
فهل يمكن ان نتوقع منهم تولى العمل فمفاعل نووى مستقبليا؟؟
المعمل دة المفروض يخرج سميرة موسى جديدة
لما سالنا الطلبة عن المعمل دة عرفنا انه فالأساس كان اسطبل وتم تحويله لمعمل!!
والطريف ان ماء النار المعروفة بقدرتها على الحرق موجودة داخل المعمل بلا غطاء للزجاجة حتى ابسط الوسائل لضمان سلامة الطلبة غير موجودة.
تفتكروا طالب بيمارس تجاربه فمعمل زى دة ممكن يطلع لزويل؟
الصورة واضحة جدا ومش محتاجة كلام دة مبنى معامل الفيزياء محاطة بسلك شائك قديم.
والمبنى مخروم وشكله لا يبعث الاقبال اصلا على الدراسة.
كافيتريا كلية علوم…انت فأيد امينة!!!
اذا دخلت كافيتريا كلية العلوم اول ما سيصادفك يافطة ضخمة مكتوب عليها :-
مع كافيتريا ميدو انت فأيد امينة
متستعجلش وتصدق المكتوب الا اما تشوف التقرير المتعلق على الكافيتريا واللى مفروض يضمن سلامة وصحة الطلبة.
امام بند صحة العاملين فراغ لا هى مقبولة ولا مرفوضة على الرغم من ان العمال دول مفروض يكون مكشوف عليهم طبيا ويكون خاليين من الامراض.
تانى حاجة الشهادات الصحية وكمان المستوى الصحى للمطبخبرضه مفيش اى ملاحظات لا بالقبول ولا بالرفض لا فعلا شكلنا فأيد امينة.
السؤال هنا:
طبعا كلنا عارفين ان اتحاد الطلبة كائن هلامى بيسير فارجاء كلياتنا وبراعته مشهود بيها فتنظيم الرحلات والحفلات والحقيقة هو السنة دى نجح اخير فتخفيض يحسد عليه.
المفاجأة فالصورة الجاية…
الصورة دى اتلقطت من حقوق عين شمس
رحلة دريم بارك
السنة اللى فاتت كانت ب 55 جنيه
لكن بفضل مجهودات اتحاد الطلبة وصلت ل 45 جنيه بس يلا شباب عشان بس تعرفوا قيمة اتحاداتنا الطلابية المعينة…
دة كان حالة كلية واحدة فجامعة عين شمس فما بالك بالكليات التانية حقوق وتجارة واداب وتربية وألسن وصيدلة وحاسبات وزراعة وغيرها كل كلية وفيها مشاكلها الكتير اللى يمكن منكونش ركزنا فيها او عارفينها وساكتين وبنصبر نفسنا وبنقول يا عم اهم 4 سنين نقضيهم بالطول والعرض.
انت بتدفع مصاريف ومش قليلة طالما رضيت انك تدفعها يبقى من حقك تتعلم صح وفمكان يليق بيك كبنى اّدم تعبت وزاكرت وجبت مجموع وعندك حلم وعاوز تحققه متبقاش اخرة حلمك اسطبل.
اكشف كليتك واوضاعها وابعتلنا على:-
tolabmasr@hotmail.com
ليست هناك تعليقات:
إرسال تعليق